曹仁超文集-第196章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
责喺非洲建筑公路、铁路及发电站，以及向非洲购买黄金、铜、石油等，例如响苏丹、喀士穆、安哥拉、尼日利亚等国家嘅资源，中国已系大买家，亦喺刚果收购钴和铜，响南非收购铁矿、煤炭及鈤。去年中非贸易已达三百五十亿美元，系十年前嘅二十倍；中国已成为非洲第三大贸易伙伴（仅次美国及法国），估计到2010年成为最大贸易伙伴。中国不但收购非洲境内资源，亦修建港口、公路、发电站、政府大楼、宾馆等，相信非洲经济好快加入全球化行列；非洲经济开始起动了！
广东科龙（921）8月28日；奇峰化纤（549）31日；中油香港（135）9月8日；中怡精细（2341）13日公布业绩。
曹仁超
PDF原文：
原序号：287序号：
37
标题：
剃刀门楣生意渐被取代
来源：
信报
发布日期：
2006…08…24
全文：
8月23日，周三。恒生指数跌61。36，收17088。39；成交二百二十一亿三千多万元。8月期指收17064点，跌70点。交通银行（3326）跌2。3％收五元零一仙，虽然半年纯利升31％，至六十亿三千万元人民币，但今年股价已升46％。中国网通（906）跌3％。报十三元八角二仙，公司半年获利减7。7％，至七十一亿元。因内地电话市场竞争激烈。九仓（004）半年获利减31％，至六十二亿六千万元或每股二元五角六仙，理由系今年上半年物业重估升值幅度唔及去年同期，例如写字楼价格升幅只有3％（去年同期升26％）。
经济繁荣才不畏利率上升
只有喺经济高速成长期（例如香港1967至80年），经济繁荣才不畏利率上升，其余日子经济繁荣期通常在低利率期出现、衰退期喺高利率期出现，但两者有时差（见呢期《信报月刊》）。五厘二五系咪能够阻止美国经济进一步繁荣？如美国经济进入放缓期，全球经济会点？1967至82年美国经济放缓期间，日本及西德经济进入上升周期，继续拉动全球经济；2000年首季美国经济再次进入放缓期，但冇一个国家可以接棒，2001年1月联储局只有利用减息制造〃再膨胀〃，2003年起全球经济又再上升。今年第二季起美国经济放缓边个接棒？中国 GDP 规模只有美国 GDP 八分一，能够独善其身已经不俗，无力带动全球经济向上。今年5月份开始嘅恒生指数上落市，相信仲有排搞。经过四个月嘅上落市，好友、淡友互有威风，冇边个占上风，睇落上述 dog…fight 将持续。
港人最大困扰系经过1967至97年三十年 go…go 时代，误以为经济增长喺必然。1967至97年嚟自房地产及股市嘅财富，令港人认为自己非常了不起之时，却要面对十年大上大落。即使最乐观嘅投资者，喺经历9997…98年及2000至03年大跌市后，亦失去自信。
所有投资者皆明白，任何行业都唔可能长期提供较正常更高嘅回报，不但2000年购入高科技股者付出代价，估计今年5月才加入购买资源股者亦将付出代价。资源股自1999年起连续七年表现出色，最后引发今年5月狂潮，之后又点？今年5月以后又要重新寻找投资对象。今年第二季中国 GDP 增长率达11。3％，系近十二年内最高增长嘅一季，相信第三季起将放缓。中国 GDP 增长率放缓，估计将可令资源价格下调。
1997年8月恒生指数16500点，今天恒指仍系17000点，响一个冇增长嘅环境下，寻求高增长股绝对唔系一件易事，唔似1967至97年客观环境系高增长，只要避过嗰 D 过分偏高嘅日子入市已可获利，过去十年却须喺上落市中寻找商机。我老曹相信，今年5月起大市只系喺窄幅牛皮，只有个别发展，但拣股一向系散户弱项。
任何行业愈嚟愈专业系无可避免嘅事，以为只靠〃划走势〃便可发达嘅日子早已一去不返。今天欲喺股票市场赚钱，除咗必须懂得行业分析外，更须知道〃谁〃系龙头股。例如6月13日至8月17日四只内地电讯股中，表现最出色只有中移动（941），至于中联通（762）只系一般，其余两只电讯股更系落后大市。又以石油股为例，表现最出色只有中海油（883）（高油价下最大受惠者）；反之，中石油（857）表现一般，中石化（386）更系落后大市。换言之，今时今日响股市赚钱，除咗要知道大市方向，更要喺非牛又非熊、只系牛熊交战时，跌穿二百五十天线入货，恒指创新高却要出货，你做得到咩？然后系搵边 D 行业吃香，再问行业中边只系龙头股？能够〃过三关〃者，才能喺6月13日至8月17日呢段日子赚钱，估计占全部投资者中20％，至于其余80％投资者便系咁先。
本地券商唔肯增资难竞争
股票市场愈嚟愈专业化，不但令散户生存空间收窄，同时亦令细经纪行生存空间减少。过去做〃剃刀门楣〃生意（出入都收佣，但提供嘅服务极之有限，出入都要刮一刮也），渐渐被银行网上服务取代，嗰 D 唔做功课而乱向客户提供〃财经分析〃嘅经纪仔言论不听也罢。
以香港依家嘅情况，不但散户投资水平唔够专业，连80％所谓股市评论员亦唔见得专业。1986年联交所成立后，外资经纪取得经纪牌，过去二十年外资经纪所占份额一再提升，本地经纪所占份额一再减少，细经纪除咗怪责政府唔帮佢地外，自己做过乜嘢？外资经纪行不但包销巨型国企、红筹股上市，亦提供大量分析报告，主导大市及个别股份升跌。反观香港经纪行不但响分析报告方面冇乜，而且有几多间公司愿意花钱培养人才？甚至连提升资本亦唔肯，内地证券公司股本五亿元，香港证券公司部分连五千万资本都冇，点同过百亿资本嘅外资大行竞争？
资本主义定律：优胜劣汰。响股票市场更为明显，财富归边现象全球皆然。今天连足球比赛亦系世界杯时代，精工对南华嘅日子早已过去！但香港唔少细经纪行嘅资本仍然停留喺卖咸脆花生嘅日子，你话点搞？唔通出咗事要政府负责？香港华资证券公司老板颜面何存？
最近CRB商品指数已跌穿二百五十天线【图】，到底系今年3月后另一次买入时刻，抑或长达五年嘅上升趋势完毕？如配合MACD睇，情况并唔乐观，不过走势上仍未出现一浪低于一浪。未能确认5月见顶。商品价格自1980年起回落，响1999及2001年形成双底；金价由1980年回落至1999年，已失去70％价值；油价喺1999年见十美元一桶。如由1999年起计，CRB已上升七年，七只肥牛嘅故事又再出现？农产品价格通常系最后才上升，呢一次升幅极之有限（近日糖价已大跌！）。金价自今年5月见七百二十美元开始回落，油价会否由今年7月七十八点五美元开始回落？
1999年美国生物石油（主要用玉米生产）年产一千万加仑，去年已达五千万加仑，美国农业部估计到2010年年产量达八亿加仑！美国汽油用量十五亿加仑，五年后将有50％汽油嚟自生物石油。生物石油不含硫及一氧化碳，所以唔会污染空气，亦唔会产生恶臭，依家生产可获政府补贴至2008年（相信到时可直接同石油竞争），即今年下半年及明年所生产嘅生物汽油仍可获政府补贴，成为获利甚丰嘅行业，投入嘅资金好惊人（殊仔上半年已签订法案，希望到2010年美国汽油只有三分一嚟自中东）！
CRB 指数七年上升趋势失守
CRB 商品指数七年嚟嘅上升趋势正在失守，今年5月起我老曹已一再提醒大家减持黄金、减持资源股。CRB 商品指数中，石油及天然气所占比重约40％，当CRB商品指数二百五十天线失守，阁下手上嘅能源股亦宜减持！移动平均线系基于趋势而设计，当五十天线跌穿二百五十天线通常代表趋势改变（例如日股今年4月已由牛转熊）。CRB 商品指数跌穿二百五十天线，可能系入货讯号；如跌穿后八个交易天内无法爬回二百五十天线之上，便得小心（恒生指数6月13日跌穿二百五十天线，第三个交易天便爬番上去，代表只系考验趋势线，而非大趋势改变；趋势改变必须五十天线跌穿二百五十天线才确认，因此亦叫死亡交叉点）。我老曹喺度再强调一次，识走势嘅人唔会输死，唔识走势嘅人亦唔会输死，半桶水嘅人却迟早浸死！学一门技巧必须功夫深，千万不可学完三脚猫功夫，就以为自己系李小龙。
钱跟精叻人走，如你愚蠢，切莫学人投机；如你知道自己蠢仲有得救，天下最愚蠢嘅人就系唔知自己蠢，咁就真系冇得救。你系医生，只代表你喺医术方面有专业，但唔代表你喺投资上同样系专业。你系大学教授，只代表你喺学术上系专业，同样唔代表你喺投资上系专业。反过来讲，我老曹喺股票市场三十八年，但绝对不能替人治病。点解投资专家不能替人治病，而医生却以为自己喺投资上系专才？1967至97年go…go年代，只要有胆识已可赚钱，令唔少人错误以为自己管钱好叻；1997至2006年才系最大考验，过去十年你嘅财富能否继续按年上升20％？或者要求低D，你嘅财富过去十年能否每年上升10％？唔系一年，而系年年如此。
有病你晓搵医生、起楼你搵建筑师，点解投资方面却自以为是？投资最大敌人就系非理性，可惜有扑克面孔嘅投资者唔多，所以金融市场亦可用〃行为心理学〃分析。一般散户常犯错误：一、买卖次数太多；二、止赚唔止蚀；三、唔系唔分散投资便系过分分散，好似开杂货铺。四、资讯太多却毫无主见。五、喜欢跟大队，有时过分自信、有时又过分冇信心。六、买自己唔认识嘅项目。例如2000年买科网股就系最典型例子。
黄金与白银有乜分别？黄金地位仍系财富象征（包括制成珠宝），而白银地位早已变成工业原料，一如铜、铁、铝，早已失去财富嘅地位。过去白银用于菲林，随着数码相机普及，呢方面消耗大减，例如用于电子业。白银系其他金属矿内嘅副产品，因此供应量一向唔稳定。白银嘅吸引力在于导电及导热最佳，其次系用于电池方面。当金价十分昂贵之时，才刺激银价上升，一旦银价上升，差唔多告诉大家金价已好昂贵。例如1980年白银首见五十美元一盎斯，以及今年柏克莱发行白银 ETF。70％白银嚟自铜、铅及锌矿副产品，因此白银非价格敏感项目（即价高、价低唔影响白银产量）。过去二十年有人为白银而开采银矿，地球上存银十分丰富，只系唔值得开采（因银价唔够吸引）。今年如不计投资需求，白银系1989年以嚟首次出现供过于求（因其他金属被大量开采）。1990年全球存银二十一亿盎斯，去年已降至四亿盎斯，今年起存银又再次上升。今年8月7日柏克莱发行 ETF，吸纳咗九千二百四十万盎斯白银作投资用，成为上半年支持银价上升嘅最大因素（喺唔少国家买卖白银要畀VAT，包括英国要付17。5％，但买卖 ETF 则唔使畀税）。换言之，未来白银价格上升空间唔大，欲重演1980年事件更加渺茫。1980年白银见四十八点七美元一盎斯之时，市场上突然增加三亿二百万盎斯新供应量，估计民间存银高达二百亿盎斯，因此每次白银大升后，便有大量白银流出市场，长远而言白银价唔易炒起。
8月18日伦敦金属交易所批准抛空镍合约可以延期交货，条件系每天每吨支付三百美元。外传7月至今有一个集团共抛空咗所有空仓合约30…40％；世界第五大钢铁生产商南韩POSCO否认《华尔街日报》报道指其共抛空一万吨镍，只承认抛空咗一千吨镍！近期镍价升幅惊人。
内地工业股边际利润五年前早已见顶回落。过去五年面对原材料涨价，但产品售价唔加；今年原材料价格见顶，即使略为回落，但内地工资以双位数速度上升，珠三角一带工资今年升幅达17。5％，担心只系啱啱开始。原材料价格上升、能源价格上升、利率上升，早已令厂家透唔过气，再增添劳工成本上升，怪唔得2003年4月至今恒生指数上升一倍，反观工业股跑赢大市者寥寥可数。初期工厂仍可利用规模效益去抵销成本上升，但规模效益有一个极 限，到咗某一水平便有用，而成本上升却无止境。1980至2001年香港厂商透过搬厂返内地，扩大边际利润；自2002年起又再面对边际利润收窄。最初只系玩具业、纺织业、家用电器，然后渐扩散到电视、冰箱、空调甚至个人电脑；内地愈嚟愈多低边际利润工厂面对亏损，你话怎么办怎么办？
Michael Dell 系醒目仔，佢大学未毕业已离开德州大学，因为佢睇到电脑业唔需要中间人嘅趋势。Dell 今年四十岁已成为亿万富翁，佢创立嘅公司占美国个人电脑市场32％。成功带嚟失败，当你占有一个市场32％之时，再增长便有困难。其次，电脑同其他科技产品一样，永远跌价，如电脑售价下跌33％，即公司必须做多三分一生意，营业额才不致下降。戴尔电脑有乜特别，只系消除咗中间人，令电脑售价下跌去扩大自己市场占有率。当你已占有美国市场32％后，何处搵增长？加上电脑售价不断下跌，如何是好？为刺激销量，必然减价竞争，结果第二季营业额升六亿美元，但经营成本升十亿美元，反令纯利急跌！戴尔股价由2000年接近六十美元跌至近期低于二十美元，上述问题非戴尔独有，喺唔少其他企业亦发生。〃成长的极限〃并非乜嘢抽象问题，而系好现实嘅问题。
内地商品房对市民生活影响微
〃十一·五〃规划下嘅内地土地政策，有人形容系〃左手收缰、右手扬鞭〃。一方面将耕地面积流失减至最少，因此限制批地；另一方面未来土地主要嚟自闲置土地收回再利用，例如休置二年以上未开发土地将收回再卖。或旧区拆掉重建。建屋方面，别墅类用地已全部叫停，经济适用房及廉租房建设将成为未来各城市内嘅主要房屋供应来源，情况有 D 似六十年代至八十年代香港以公屋、居屋为主要住宅供应来源。过去上海、深圳、北京等一线城市高档楼盘60％由外资购入，本地市民大部分负担唔起；喺新政策下，廉租房及经济适用房大量兴建，供应本地人购买或居住，高档楼盘主要供应外资购买。
新加坡喺呢方面最成功，大部分新加坡人住响政府兴建嘅组屋（楼价涨不了多少），另15％外国人及新加坡富豪才住私人住宅，因此私人住宅售价涨跌唔影响大部分新加坡人生活。至于香港，过去约50％住响公屋及居屋，居屋价涨跌幅度唔大，另外50％才居住喺私人物业。1997年8月后，大量中产阶级财富被摧毁，市场出现20/80现象，20％人口愈嚟愈富有，形成豪宅有价，今天豪宅已重返1997年水平，部分更尤有过之；反之，因大量中产阶级财富被摧毁而无法重建，令一般私人住宅售价涨唔起嚟，今天天水围住宅楼价只及豪宅十分一！
估计未来内地房地产亦走上〃贵者愈贵〃呢条路，即豪宅价涨，一般住宅楼价却涨唔起。豪宅价格升降从来唔影响民生，因为小市民可选择住廉租房、买经济适用房，形成普通私人住宅无法上涨；反之，豪宅有竞争对手，继续睇涨。
未来中国政府房屋政策，系高收入者买商品房、中低收入者买经济适用房、低下阶层住廉租房。商品房价格系中国人均收入十至十二倍根本上只系错觉。因为只有最高收入10％人口才购买商品房，同大部分市民无关！响外国，房屋开支占个人收入25％左右，内地商品房开支约占高收入人士收
