曹仁超文集-第124章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
baby out with the bathwater〃嘅错误，将家中古董作垃圾抛掉。识货者不妨执便宜货。今天A股唔再回落，理由系内地衍生工具好有限。至于恒生指数开市大跌，理由相信同衍生工具有关，发行商回购衍生工具后出售普通股，呢种对冲行为令恒生指数最低见19361点，已十分接近估计支持位19000点附近。香港跌市系咪完成？或须睇多几天。
调整幅度十分理性
好多人认为呢次跌市与内地A股指数跌9。24％有关，实情系咪咁？事实上，去年6月至今年1月绵绵不绝嘅升市，早已需要一次较大幅度调整（例如10％），内地A股回落9。24％，正好用作引发呢次大调整出现嘅藉口。呢次调整，嗰D被过分炒高嘅五行三保，调整幅度三分一；反之，未被过分炒高嘅股份调整幅度只有10％左右，证明十分理性。我老曹认为，喺黄金岁月中，个别发展仍然继续（即个别行业盛衰取代整个股市），唔会出现大牛市或大熊市，恒生指数调整幅度应喺19000至21000点之间。咪别人唔惊之时你先惊，别人好惊之时你就无谓惊。多D分析个别行业同股份，至于大市升降已唔重要。
内地房地产过去几年晌中央政府打压下反覆上升，未来内地A股情况亦一样。喺中央政府打压下，大泡沫无法形成，爱成大量小泡沫（foam）出现，小泡沫爆破时破坏力唔大，一如小孩子响母亲打打骂骂中成长，反而更健康。内地房地产过去几年喺中央不断打压下，出现大量小规模调整。今天内地楼价虽然偏高，但大幅下调风险唔大。依家内地A股平均P／E三十六倍，偏高约50％，只要打压一下，股市喺升升跌跌中又一年。今年企业纯利上升25％，P/E回落到二十七倍；再多一年升升跌跌，P/E可下降至二十倍，到时便唔再偏高了。西方人唔主张打骂小孩子，但我老曹喺成长过程中。母亲经常打打骂骂（所谓打，只系打手板三下）。我老曹自己做咗父亲后，亦主张体罚，女儿小时候小错便可以闹、大错要打（极限系打手板三下）；直到超过十六岁仍然可骂，但不再体罚，以免伤咗佢地嘅自尊心；过咗二十一岁改为劝告，因为佢地已成年，我老曹尊重佢地一切决定（每个人必须为自己所作决定负起全责）。
在打压下健康成长
过去几年，内地楼市喺中央打压下健康成长，未来内地A股命运相信亦一样。内地沪深指数一天之内回落9。24％，成交额达一千九百七十亿元人民币，相等于6％可流通股份转手。过去十年政府并有追资本增值税（税率20％），政府系有权追资本增值税嘅（香港税例系：如果你炒股票，所得利润税率15％）。至于追唔追？几时追？由政府话事。一如女儿小时明白父亲有权打佢手板仔、至于打唔打同几时打？由父亲话事。记忆中我老曹最后一次打小女手板仔系佢六岁嗰年。香港政府最后一次追炒股票税系1973年，已系陈年往事。今天特区政府亦绝对有权追炒股票税（Trading Tax），中央政府亦一样；至于加厘印费亦一样，至于做唔做又系另一回事。
2月27日内地A股跌市可视为〃走警报〃，有助大大提升投资者嘅危机意识，但唔代表真系有事发生。内地人存钱入银行只有二厘息（内地仍有利息税），形成资金只有两大出路：一、买楼。二、买股票或基金。响上述情况未出现改爱前，股市出现波幅难免。但泡沫会否爆破？股市从来不能talked up或talked down嘅（即使成思危言论，影响力亦只有三几日）。至于证券行推介。对个别股份短期有影响力，长期仍由该公司业绩决定（股市短期系投票机器，长期系评估机器）。内地A股已出现泡沫现象，呢点好清晰，至于几时爆破？会否爆破？木宰羊。从1997年亚洲金融风暴到2000年科网股泡沫爆破，事前都有人猜得到系几时爆破（事后孔明则一箩箩），请唔好扮先知。家吓嘅情况一如面对地震危机，只要事前做足预防措施，便唔使理会地震何时发生。至于预测地震几时发生？至今科学仍做唔到。股市亦一样。一旦出现泡沫现象应小心谨慎、至于何时爆破或唔爆破？则唔知道，相信亦冇人知。有智慧嘅投资者应专心去寻宝，而非分心于令人头晕目眩嘅大市上落之中。
上周联储局又创造五十七亿美元信贷，令债券孳息率下调，各国央行仍在努力创造信贷，而非收紧银根。从呢点睇，股票市场后市只会继续波动，直到形势改变为止。根据奥国经济学派理论，如央行不断创造信贷，经济迟早出现繁荣，因大量人借钱投资或消费，最后引发资产升值泡沫。格蛇嘅方法系经济一旦有衰盛威胁，便创造信贷去对抗衰退，经济繁荣后便加息，以备日后另一次经济可能出现衰退时之用。喺格蛇任内（1987年起计），呢个策略极成功；至于贝南奇希望制造黄金岁月，2006年6月至今亦好成功，形成每一次大跌市都系入市时机，每一次大升市之后不妨获利回吐。贝南奇认为通缩较通胀恐怖，佢任内唔会容许通缩出现，不然佢便楂飞机到处掷银纸去对抗通缩。油价见八十美元时佢抽紧银根，油价见五十美元便放松，以便油价喺五十至八十美元之间上落……。而货币以年率12％速度上升下，我老曹睇唔到经济出现衰退嘅可能性。当前美国核心通胀率高出2％，如根据通胀目标政策，美国联储局应再加息，点解去年8月至今仲唔加？代表贝南奇担心通缩大于通胀，希望用一两年时间去完成楼市软着陆。如贝南奇成功，即去年6月起至2008年美国总统大选前，美国经济皆处于黄金岁月期。
停止咗两个多月嘅股票型基金审批已〃破冰〃，2月27日虽然内地股市狂跌9。25％，由建设银行代理嘅建信优化基金配售，唔使一个钟头规模一百亿元嘅基金已被认购一空。依家已完成审批五只股票型基金，规模大概三百亿元，股市暴跌正好入市吸纳。3月份有九十八家非流通股解禁，市值高达四百六十九亿元，即未来股票供应量增加，相信3月份A股喺高价争持机会甚大。2月27日嘅暴跌，相信只系一次获利回吐。
H股拒绝跟A股疯狂
今年1月3日起，H股已拒绝跟从A股疯狂，系引发2月27日A股暴跌嘅理由。除3月份有九十八家非流通股解禁外，人民币加息机会亦好高。喺咁嘅压力下，A股由2月26日起反覆走低嘅机会亦大，但唔代表泡沫爆破。作为散户千万不可追涨杀跌，不然便犯咗猪年大忌。牛喺升市中赚钱，熊喺跌市中赚钱，猪因为无主见而两头走，结果被屠杀！今天两头走嘅猪又一次被大量屠杀。长期低波幅（VIX一直好低）才系最近跌市嘅理由，经过呢几天下跌后，VIX已上升，跌市系咪到此为止？机会存在。如认为内地A股下跌而引发全球股灾，情况有如狗尾摇狗（Tail wags the dog）一样本末倒置及将分析过分简化。事实上，香港H股指数喺1月3日见10766点后一直回落，最终令沪深指数由2月27日回落。边个系狗（Dog）、边个系尾（Tail）？三十八只A＋H股中，都系H股偏低；偏低嘅H股自1月3日起再回落，最终引发2月27日A股抛售。炒A股者应参考本港H股走势【图一、二】，而非本港H股跟内地A股升降。
深圳科技（2903）停牌。
曹仁超
PDF原文：
原序号：180序号：
30
标题：
调整或见万九
来源：
信报
发布日期：
2007…02…28
全文：
2月27日，周二。受格蛇言论影响，加上2月期指快结算，股市变得有D疲倦及焦虑。恒生指数跌360点，收20147。87；成交六百四十七忆七千八百多万元。2月期指收20253点，跌257点；3月期指跌444点，收20050点。20000点系咪守得住？一、五十天移动平均线系20115。75，今天已失守；二、前低点20127点喺2月13日所创，今天亦失守。由去年6月13日15204点间始嘅升市可能晌1月24日20971点告一段落，调整前升幅三分一，即有机会下跌1922点，可见19049点，未来支持位相信喺19000点左近。
本港银行息差收入再收窄
踏入猪年，银行为争楼按生意，进一步降低按揭利率；反之，港元存款利率受制于美元存款利率（五厘二五）而未能回落。咁代表今年本港银行息差收入进一步收窄，令银行股上升空间有限。
今天中远太平洋〔1199）跌2。4％，见二十二元一角；首都国际（694）跌9。4％，见七元五角二仙，巴黎机场宣布以十九亿七千万元出售二亿五千三百六十万股首都机场。瑞信降低江西铜业（358）评级，令该股股价跌4。3％，见九元二角二仙。
A股市场猪年开出红盘后，今天沪深指数回落9。24％，收2457。49，跌幅系十年内最大，一天之内蒸发咗八千亿元人民币市值。A股会否成为流动性资金泛滥下嘅牺牲品？由流动性资金泛滥造成去年A股市场出现狂牛，喺狗年狂奔咗一段日子，晌猪年可能面对被屠宰嘅命运。猪年红盘会否成为呢次牛市嘅终点，抑或另一次调整嘅开始（泡沬往往喺爆破之后才正式被确认）？放眼过去，过去十八个月A股指数升幅200％，令投资者感受到高处不胜寒，唔少公司股价已翻一番，未来上升空间仲有几多？依家低利率、低CPI增长率、高GDP增长率叽环境可维持几耐？2005年8月7日时应学习喺黑暗中见到光明，今年2月27日宜保持谨慎别太胆大，耐心等候A＋H股嘅演绎。到底系A股股价被H股拖低还是H股股价受A股刺激而上升？
技术分析既系行为心理学，亦系事实嘅一部分，主要视乎分析者点样解读股市。因此极受分析宏观睇法、资金周期、政府政策及群众心理所影响，形成出色嘅分析者唔多。唔系只晓睇走势便可担任出色嘅分析员！今天沪深A股创下1997年2月28日以来最大单日跌幅，不但影响港股，甚至波及亚太区及欧洲股市。沪深指数回落9。24％，成分股中只有四只上升，二百九十六只下跌、一百一十只跌停板。主要系机构投资者认为3、4月系加息敏感期，以及春节后某银行股票型基金被大比例赎回而须套现。
格蛇不在其位其言也善？
喺涨潮中，连垃圾都浮起！格蛇离任前，响2001年1月至03年6月一手将利率由六厘半降至一厘，并维持到2004年6月，引发资产升值潮，令恒生指数2003年4月开始出现四年升市。去年2月贝南奇接任后醉心于制造黄金岁月（Goldilocks），加息方面只系唔汤唔水，令股票牛市延长，依家反而由格蛇出来讲〃小心年底美国经济出现衰退〃！今天格蛇不在其位，其言也善？根据钟摆理论，如向右方摆得愈极端，一旦摆回左方，力度会猛许多，几时开始？一旦投资热潮过后，投资者必须面对资本主义无情嘅一面（弱肉强食，适者生存）。只有基础良好、管理优质、真正有竞争力及创意者才能生存，情况有如1997年红潮疯之后，有边一只红筹股仍能重返1997年8月高位？2000年TMT股热潮过后，至今除咗中移动（941）外，能重返2000年高价嘅TMT股有几多？国企热之后，将来又如何？答案系Short…Term Gain； Long…TermPain。资金过剩通常会令一般人忘记风险，去年6月开始股市反覆上升，令投资者逐渐遗忘风险。近期大行意见分歧，例如瑞信推介煤矿股，但高盛问去年煤生产成本上升10％，而煤价只升6％，系好消息咩？高盛睇淡兖州煤业（1171），担心今年毛利率下降而建议减持；去年12月至今兖州煤股价升幅30％亦系另一减持理由；反之，认为交通银行（3328）可考虑趁低吸纳，3月6日交通银行计划发行十五年期债券附认股权证，交行正利用近期股价略低发债加强资本，估计利率首五年至十年为三厘八到四厘，并利用股价偏低去增强债券嘅吸引力，投资者可利用机会喺3月6日前趁低吸纳。后市展望仍系个别发展。
印度股市上升加剧贫富悬殊
过去十年（1997至2006年），全球货币平均年增长率达10％，较全球GDP年增长率平均只有3…4％大咗足足300％。形成货币泛滥，资产价格有如钟摆，机会处处亦危机处处。呢段日子财富不断地转移而有得有失，而且往往超出想像。2001年格蛇利用房地产泡沬去抵销2000年TMT股泡沬爆破，未来贝南奇能制造另一泡沫去抵销美国房地产软着陆嘅影响？
印度开始面对〃Boom〃嘅后遗症。红豆、青豌豆、黄色小扁豆去年售价皆上升一倍，上述乃贫穷印度人嘅主要尖餸菜，加价一倍后，担心引发政治不安，政府计划增加农业补贴及创造就业去抵销，但有人指出咁做结果只会令通胀加速。股市上升反令贫穷差距进一步扩大，去年印度GDP上升9％，仅次于中国，但CPI升幅达6。6％。印度缺乏中国嘅基建网络，令制造业发展有中国咁顺利（制造业可吸收大量农民及稳定消费物价指数），太多印度人在挣扎求存，而基本食品却涨价100％，影响十分广泛。印度内阁已批准减税及减棕榈油、葵花子油等入口税，希望降低呢方面嘅通胀压力，另向农民提供每年一百天有薪工作。政府减慢将国企私有化（原先系透过私有化国企，集资去搞基建），减少人民批评政府官员贪污嘅指控。分析员担心印度今年无法保持去年嘅GDP增长率，除非向外资进一步开放市场，让外资直接投资企业。同中国唔同，中国政府一直鼓励外资直接投资企业，但投资股票限制很大；喺印度投资股票容易，但直接投资企业却困难重重。直接投资企业资金唔易撤走，但投资股票嘅资金话走便走。印度政府咁限制外资活动，系担心外资直接投资企业影响印度某D家族拥有嘅中小企业经营。另一分别系中国政府嘅基建投资资金来自政府税收或向国有银行发债所得，而印度政府嘅开支唔少来自举债。IMF已警告印度政府因负债已相等于GDP 800％，达到危险水平，应努力减债及减少提供补贴，不然将面对类似阿根廷政府嘅同样问题。印度经济已到咗令人担心嘅水平。
东方人娶洋妻难望勤俭持家
联想（992）过去吞下IBM个人电脑业务后，出现消化不良。联想美洲区总裁斯科特·史密斯1月24日宣布离职。联想宣布第三季业绩时，占总销售额30％嘅美洲业务销售额喺第二季下跌9％，第三季再跌4％；反之，惠普电脑却增长23。8％。咻拓展海外市场方面，联想陷入过去TCL同样嘅问题，证明国际巨人嘅包袱接过后，可令中国民企步履蹒跚，亦证明联想嘅Lenovo品牌仍未被接受为世界级高端PC形象。联想购入IBM个人电脑业后，IBM客户不但冇增加反而流失咗。今年2月7日IBM宣布减持三亿股联想，代表IBM对做联想股东已兴趣缺缺，进一步令过去嘅IBM客户产生离心。今天联想宣布裁员一千多人，证明联想文化（亦系中国人文化）与IBM文化（亦系美国人文化）嘅矛盾表面化，上述亦系东西方文化最大差异。中国老板嘅经营方式离唔开应悭则悭嘅悭俭文化，产品以价廉争夺市场占有率，产品可以廉价出售，理由系因为生产成本较别人低，中国企业以〃mean & lean〃取胜；但西方企业经营方法一向以高投入去博取高回报率，甚至〃量出为入〃，以质优作为卖点。香港或内地企业收购欧美企业嘅情况，有D似东方人娶西方女子。我地好难期望西方女子持家有道、孝顺翁姑、省吃俭用……上述唔系西方女子嘅作风。如阁下雄财伟略、计划拓展西方市场，娶西�
