曹仁超文集-第105章
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
0％港人子女可进入；或自己住嘅屋较普通人更豪……。为咗呢 D 抽象嘅东西，可令人类不断追求甚至忍受因炒股票而带来嘅压力。值唔值得？古人有云；知足常乐。请为自己所追求嘅东西设下底线，一旦达到便好好享受其成果，较永远追求无穷无尽嘅财富来得更快乐。如能把自己赚回来嘅财富拿出一部分与人分享，你便更加快乐，因为〃为善最乐〃！
我老曹唔认为炒股票有问题，只认为一切事物皆〃适可而止〃，千万不可过犹不及。恒生指数响呢个水位，各位应该收敛一下自己嘅欲望，而非永远追求无穷无尽嘅财富。金钱令人富有同时获得更大自由，但未必令人更快乐！快乐系另一回事，通常必须限制自己过分嘅欲望，以及学习同别人分享自己嘅财富，才能令自己更快乐。在此愿《信报》所有读者圣诞皆快乐。
大新金融（440）、大新银行（2356）、上海青浦消防（8115）、软迅科技（8182）、龙昌（348）、德信科技（1228）、中新集团（563）、新时代集团（166）停牌。
海天国际（1882）、民安控新（1389）周五新上市。
曹仁超
PDF原文：
原序号：154序号：
4
标题：
小心牛市中嘅巨熊股
来源：
信报
发布日期：
2006…12…23
全文：
12月22日，周五。恒生指数升97。68，收19320。52；成交四百零八亿四千九百多万元。12月期指收19338点，升113点。民安（1389）挂牌较招股价升35％，见二元五角三仙；海天国际（1882）升1％。收三元九角七仙。国寿（2628）升3。8％，见二十四元三角五仙，系2003年12月18日以来最高；平安保险（2318）升3。1％，见三十八元，亦系2004年6月24日上牌以来最高。上海置地（164）升2。3％，见九角，系去年2月22日以来最高，公司以五亿五千五百万元收购一个上海购物商场。
内地外资银行以汇丰网点最多
中国保监会发布规则草案，可能允许保险公司将15％资产投资海外市场。依家中国保险业总资产一万八千九百亿元人民币，即未来将有二千八百三十五亿元可投资海外市场。 Vodafone 计划收购和黄（013）喺印度嘅 Hutchison Essar，令电国际（2332）升3。5％，见十八元二角八仙。印度人口十一亿，只有17％人口拥有流动电话，未来发展空间好大。汇控（005）喺西安开设一家分行，计划进军中国西部地区；家吓汇丰喺中国网点共二十九个，系网点数量最多嘅外资银行。
大新银行（2356）董事来电澄清，大新银行购入重庆市商业银行17％，凯雷集团购入7。9％。相信本港银行入股内地银行嘅消息仍会一再出现。
假期过后，恒生指数系咪有力挑战11月24日高点19404点？机会存在。虽然今年恒生指数上升30，但牛市中亦有唔少股份回荡，并非人人赚钱。2006年投资成绩如何，由阁下嘅选股眼光决定。
今天全球对冲基金数目超过九千只，大部分收费几昂贵，管理费系资产净值2％。另加该年纯利20％。高收费唔代表该基金表现一定出色；事实上，今年表现出色嘅对冲基金约九百只，只占总数十分一其余八千多只表现一般甚至恶劣，回报率甚至唔及九十天存款证回报（5。25％一年）！明年对冲基金经理将面对压力（投资者会反思点解畀咁高昂嘅代价而只获一般回报？）
三农项目仍是中央关注点
2006年即将过去，中国 GDP 增长率估计可达10。5％，系2003年以来连续第四年保持 GDP 10％以上增长。今年中国 GDP 将突破二十万亿元人民币。由2002年 GDP 十二万亿元、全球排名第六，到2006年二十万亿元、全球排名第三，呢几年中国经济增长真系有得顶。政府收入由2002年嘅一万九千亿元，到2006年三万九千亿元，中央有更多资金投入〃三农〃项目。今年〃三农〃支出达三千三百九十七亿元，较上年增加四百二十二亿元；而今年城乡居民收入扣除通胀分别上升11％和6％，即城乡差距仍在拉阔中。点样进一步支持三农项目，仍系中央未来最关注点。
巴西最大铁矿石公司淡水河谷与上海宝钢集团达成协议，明年铁矿砂加价9。5％，明年5月1日生效，即明年5月起每公吨铁矿砂售价四十四点四七美元（家吓系四十点六一美元），估计明年中国将入口三亿五千四百万公吨铁矿砂，较今年上升11％。
铁矿砂明年加幅可接受
铁矿砂2004年加价19％、去年加价72％，今年加价19％后，明年如加价9。5％，仍可接受。上述会否成为明年铁矿砂共同标准仍在洽商中，但淡水河谷股价却因上述消息回落；相信金属价格大升嘅日子已成过去。
2001年起由金属价格及油价上升而推动资源股及能源股嘅升值潮今年结束，今年下半年起进入高原期，而油同金属则进入供求平衡期。2007年再唔系资源或能源股天下（未来只宜炒上落市），未来领袖股是谁？圣诞假期系家人团聚嘅日子同时系好好思考明年应做乜嘢嘅日子。今年恒生指数上升接近30％，有几多人跑赢大市？表现最出色嘅一段日子系6月13日恒生指数由15204。86上升至11月23日嘅19404。01，升幅27。6；11月23日之后股市开始摇摆不定。
请唔好过分相信资产负债表或走势分析，多 D 信自己嘅直觉，许多时你嘅直觉较唔少专家分析更好。唔好相信运气，大部分成功者背后系努力工作嘅结果；清晰头脑配合一定资本、严守纪律、学晓风险管理、勇于止蚀、抵受得住获利回吐嘅引诱，你已接近成功。成功嘅投资唔使记住，失败嘅例子却唔好忘记，以免日后重蹈覆辙。只要努力避免犯严重错误，蚊年便会滚滚而来。
投资要练精学懒
唔好成为群众一分子，唔好被眼前利润吸引，学习从相反角度谂问题，因为成功永远属少数人士，乐极生悲嘅例子经常发生，常常记住〃Too good to be true！〃慨教训。留意警告讯号，所有大灾难发生之前都有先兆，唔会突然发生，只系人们唔留心。请向〃诺亚〃学习，喺晴天之时造好〃方舟〃，而唔系喺船沉之时才搵救生艇。铁达尼号沉没嘅理由，系因为船长过分自信。请记住。一天未获利回吐，你所拥有嘅都只系纸上富贵。唔好沾沾自喜。多 D 留意股价动向，必要时采取行动。市场只酬劳嗰 D 方向正确及时机把握得准嘅投资者，而唔系每周工作六十小时嘅勤力者，勤力嘅人只宜打工，不宜做投资；做投资要〃练精学懒〃。投资唔系群体工作，许多时需要嘅系独立思考能力，保持获得资讯；上述都唔系最重要。最重要系分析能力及决定能力。每天有大量资讯喺各种媒体上出现，获得资讯并唔困难，困难系点样分析及作决定。有时减少 D 资讯反而系好事。分析力与决定力来自清晰头脑，如你有位吵闹嘅伴侣，一定影响你嘅分析力及决定力。如你有一班猪朋狗友令你夜夜笙歌，每天起床唔在状态，都影响你嘅分析力及决定力，因为疲倦的脑袋一定唔系清晰嘅头脑。
中国铜供应偏向国产
当你嘅家人享受你嘅投资成果时。你便明白乜嘢系〃第一位〃！如果你不把投资放喺〃第一位〃，投资市场又点会把你放喺〃第一位〃？
展望明年经济进入整固期。6月13日至11月23日嘅升市，不但收复5、6月份跌幅，而且创新高；不过，11月23日后恒生指数便喺18600至19400点之间上落。年底通常好少出现跌市，即下周股市仍应反覆向上，但1月份系点另当别论。
铜价继续回落，伦敦存铜增加四千六百吨，至十七万七千二百二十五吨；加上智利 Altonorte 冶炼厂为期两天嘅罢工结束，令铜价三美元一磅失守。1至11月中国精炼铜及铜合金进口量较去年同期减35。8％，国内铜供应偏向国产铜资源，令进口缩减。内地铜价成六万一千零八十元人民币一吨，估计六万元支持位好快失守。
中国楼市方面。即将过去嘅2006年极有可能系中国房地产价格高企巅峰年。5月17日〃国六条〃颁布以来，表面上睇仍未能抑制房地产投资过热嘅现象，到明年大批四千元一平方米嘅住宅进入市场后，满足广大中低收入群体嘅居住需求，相信可以令九十平方米以下嘅中小户型住宅房价回落，只余下豪宅市场仍然顽强地寻求突破，出现类似香港嘅现象。由于升幅集中喺豪宅，今年香港一般普通住宅升幅极之有限，升幅只有5％。
内地房价由疯狂步向平稳
今年喺中央政府宏调下，除咗长三角地区楼市供求关系有所缓和外。其他城市房价仍系上涨。主要系：一银行存款利率低，刺激置业热情；加上银行放宽物业按揭条件。以赚取存贷款利率差，而个人住房贷款坏账率低，成为各银行争夺嘅对象。二、大城市可供开发嘅土地日益稀缺。国家对土地资源嘅利用要求进一步提高，地根收紧咗，楼价自然上升；地产公司透过上市集资加快扩张步伐，土地买卖日益公开，今年更多房地产资金进入市场，例如本港地产商已大大加强对内地地产项目嘅投资。三、中国加速城市化，更多人口涌入大城市，形成人为性短缺，求过于供局面一直有改变。四、根据北京师范大学金融研究中心发布〃中国房地产金融评估报告〃指出，东部地区有70％城市居民有购买新房嘅能力，相信明年内地房地产价格将喺现水平牛皮，唔易进一步上升，亦无法大幅回落，资金转向二线城市。五、响英国投资房地产，租金回报率只有4％，晌上海有8％，晌成都可高达25％；依家内地二线城市租金回报率可高达15％至25 ％，上述回报率诱惑很大；加上12月11日起中国金融业全面对外开放，即二线城市物业银行亦可提供按揭，明年大量外资银行将进入中国二线城市寻求发展，形成群雄逐鹿之势，相信明年内地一线城市楼价将停滞不前，二线城市楼价却起步走。
上海一向以稳重见称嘅乙级写字楼市场，开始出现部分二级地段写字楼降价促销嘅现象。例如杨浦区及虹口区交界嘅鼎立大厦降价14％，由原价一万三千八百元至一万八千八百元一平方米，降至一万二千七百五十至一万五千二百元一平方米，较最高价降幅达二千多元。明年内地房地产以〃平稳〃取代〃疯狂〃。
做房地产要〃拜菩萨〃
从前喺内地做房地产，各主管部门都系〃菩萨〃；为保平安，时时都要拜。拜菩萨费用占楼盘总成本3％到5％甚至更高。近期唔少贪官纷纷曝光，有 D 卷席而逃，国土部、建设部、银监会嘅主管部门。权力划分渐清晰，只靠个别领导〃保佑〃而谋得项目利益嘅机会渐少，〃拜菩萨〃现象到明年相信会收敛，明年中国房地产将进一步规范化，再唔似2006年或以前乱作一团。
2006年香港系内地企业上市年。今年香港交易所（388）集资数目超过伦敦。世界排名第二。明年又点？明年大型国企将实现沪港两地 A＋H 同步上市，规模更胜今年。相信明年恒生指数升幅有限，因为将有大量新股上市，炒新股热潮将推至更高（因为内地市民储蓄资金开始大量进入市场，其中又以申请新股为主）。明年内地 A 股股价将刺激本港 H 股上升，造成 H 股股价长期处于偏高水平。
今年新股上市大部分表现出色，吸引更多资金申请新股。明年上市嘅新股将强调八大行业：一、军事工业；二、电网；三、电力；四；石化工业；五、电信；六、煤炭；七、民航；八、航运；并以国企为主流。由于大量新股上市，过去表现失色嘅港股可能被边缘化，形成强者更强、弱者更弱局面，部分上市公司因集资困难，股价出现巨大跌幅，成为牛市中嘅巨熊股，呢点宜小心。
Jessica （8137）、广南集团（1203）停牌。
曹仁超
PDF原文：
原序号：155序号：
5
标题：
A 股亦玩拣股唔炒市
来源：
信报
发布日期：
2007…01…15
全文：
1月14日，周日。中国股市总市值由占GDP唔到18％，喺短短十八个月内上升至相等于GDP 46。6％。推动中国股市成长嘅最大力量系金融股；随着兴业银行发售十三亿三千三百万A股、中信银行A＋H上市集资二百一十八亿元，加上中移动（941）、中石油（857）等大量国企股回归A股市场，今年1月12日内地股市总值十万二千亿元人民币（2005年12月只有三万四千九百亿元），仲会上升几多？日本由1963至73年日经225指数市值才上升三倍，内地A股市值却正以高速膨胀。日本1963至73年才完成十年牛市，喺中国会否一下子晌两年内玩晒（即由2005年中到07年中已完成整个牛市）？高盛亚洲区董事总经理胡祖六估计，十年后中国将成为全球第三大股票市场，仅次于美国同日本；2016年中国股票总市值可达五万亿美元，2020年十万亿美元，占中国GDP比重70％。
A 股不能再理性分析
中国A股系咪出现泡沫？可以讲个别股份已存在泡沫成分，但整体而言仍有唔少A股股价喺合理水平，因部分金融股有泡沫而认为整体A股有泡沫，咁讲并唔公平。换言之，今年A股亦系玩拣股唔炒市，只系今年唔会好似旧年咁大多数人赚钱，只有少数精明拣股者仍可赚钱，一般人赚钱机会大减。后市分析唔系指数睇几多，而系少数个别股份点睇？大家应注意资本市场有75％时间可用理性分析，25％系非理性，只可凭感觉做判断。家吓A股便系只可利用经济周期去协助分析，已不能理性分析啦。
2006年已成历史，回想去年所发生嘅事，亦好有趣。金价由五百美元升上七百二十多美元后，又回落到五百五十美元，近期响六百至六百五十美元之间上落；油价由六十美元一桶上升至七十八美元，然后又回落到五十一点五美元；内地金融股2006年升幅十分可人……。上述一切已成历史，2007年会点？同往年唔同，今年我老曹似乎失去洞察力，无法向各位有实质推介，无论股票、商品、外汇甚至房地产皆睇唔通。唔系我老曹江郎才尽，而系今年金融市场实在变幻莫测。美元汇价去年12月喺大部分大行睇淡下回升，上周五油价喺60％分析员睇淡下反弹。最困扰系内地A股，经过十八个月上升后应该点睇？会否喺2006年6月北京举办奥运会前继续反覆向上？最近回落，系咪去年5月另一次翻版（去年5月事后证明只系金价及铜价见顶，而非股市）？
中资银行保险股禁售期已过
何时偏高好容易知道，何时见顶又系另一回事。1996年格蛇认为美股进入非理性亢奋，但美股仍升至2000年第一季才开始回落。Time the market从来唔容易，例如2001年内地A股六十倍P/E见顶，呢次又点？有人可事先知道。2004年开始，过去三年外资入股内地银行股及保险股超过二百亿美元，呢D股份上市后有一段禁售期。随着禁售期过去，加上上述股份股价已被炒高，外资股东会点样处理呢批股票？
每次研讨会都有同样嘅问题，上周六亦唔例外：现阶段我地应该投资乜嘢？道指上周五创新高见12556点，但只较2000年高点高出不足1000点，用七年时间去完成不足1000点升幅，即平均每年升幅唔够140点。阁下如果喺2000年退出股票市场去存定期存款，至今仍跑赢大市；更不可同2000年弃股从金者比较。我老曹依家能够做嘅事只
